Evento de comunicación científica
Coruña Comunica Ciencia
Venres 15
Mañá
As inmortais. Científicas que cambian o mundo | 10:30 - 11:50h
Iria Ollero (Enxeñeira biomédica e premio extraordinario da súa promoción) acompañada por David Ballesteros (comunicador científico e presentador de distintos programas na TVG) achegarannos a grandes científicas que non recibiron o recoñecemento que merecen. Durante a charla, levarán a cabo experimentos espectaculares que permitan ilustrar o seu labor e a súa importancia histórica.
Tarde
Radio. Gravación Efervesciencia | 17:00 - 18:00h
Manuel Vicente e o seu programa de radio Efervescencia son un dos grandes referentes nacionais en comunicación científica. Os asistentes a actividade poderán gozar da gravación e directo o programa, e participa nela de forma activa.
De físico a YouTuber con QuatumFracture | 18:00 - 19:19h
José Luis Crespo, director de QuantumFracture, narrará o seu percorrido desde as aulas de física ata converterse en divulgador científico en Youtube e outras plataformas. A través da súa experiencia, Crespo explorará os desafíos de transformar a ciencia en contido accesible e creativo para millóns de persoas.
Noite
Música. Fonematología con Germán Diaz e Benxamín Otero | 20:30 - 21:30h
«Fonematología» é un espectáculo que ofrece un fascinante percorrido pola historia da música mecánica e a súa profunda conexión co desenvolvemento científico e tecnolóxico, desde as primeiras polifonías europeas ata a música contemporánea. A través da zanfona, un instrumento medieval mecanizado, os instrumentos mecánicos e o oboe, exploramos a evolución das primeiras formas polifónicas e o papel da mecanización no desenvolvemento de novos sons.
